Capítulo 3

PREPARACIÓN DA PREDICACIÓN DE XESÚS

Xoán o Bautista (Mc 1, 2-8; Lc 3, 1-18)

• ¹Naqueles días apareceu Xoán o Bautista no deserto, proclamando:
• ^2__Convertédevos, que xa chega o Reino dos Ceos.
• ³El era de quen dixera o profeta Isaías:
• Unha voz clama no deserto:
• Preparade o camiño do Señor,
endereitade os seus vieiros.
• ⁴Xoán ía vestido con pelos de camelo e cun cinguidoiro de coiro no van, e mantíñase de saltóns e mel bravo.
• ⁵Ía onda el xente de Xerusalén, de toda Xudea e mais da banda do Xordán.
• ⁶Confesaban os seus pecados e el bautizábaos no Xordán.
• ⁷Como se decatara de que moitos fariseos e saduceos viñan a que os bautizase, díxolles: ^__Raza de víboras! Quen vos ensinou a fuxir do castigo que está a chegar?
• ⁸Dade froitos dignos dunha verdadeira conversión,
• ⁹e non vos fagades ilusións dicindo entre vós: “Somos fillos de Abraham!”, porque vos aseguro que Deus pode sacar fillos de Abraham mesmo destas pedras.
• ¹⁰Xa está a machada posta contra a raíz das árbores, e toda árbore que non dea froito cortarase e botarase ao lume.
• ¹¹Eu bautízovos con auga para que vos convertades. Pero o que vén detrás miña é máis forte ca min, e nin tan sequera son digno de levarlle as sandalias. El havos bautizar co Espírito Santo e con lume.
• ¹²Porque trae a forcada na man, para limpar a súa eira e na hucha recolle o trigo; e ha queimar a palla nun lume que nunca se apaga.

Bautismo de Xesús (Mc 1, 9-11; Lc 3, 21-22)

• ¹³Entón apareceu Xesús, que viña desde Galilea ao Xordán, para que Xoán o bautizase.
• ¹⁴Xoán trataba de impedilo dicindo: ^__Como vés ti onda min, se es ti quen me tes que bautizar a min?
• ¹⁵Xesús respondeulle: ^__Deixa agora, pois cómpre que fagamos o que é xusto. Xoán accedeu.
• ¹⁶Tan pronto como foi bautizado, Xesús saíu da auga. E velaí que se abriron os ceos, e viu o Espírito de Deus baixar coma unha pomba ata se pousar enriba del.
• ¹⁷E oíuse desde o ceo unha voz que dicía: ^__Este é o meu fillo benquerido, o predilecto.